કુદરત - ચિરાગ પટેલ

કુદરત - ચિરાગ પટેલ Sep 25, 1999

આવી મંદ મસ્ત હવાની લહેરખી, ફફડી ઉઠ્યું પેલું
આસોપાલવનું પાંદડું અજાણ્યા આવેગથી.

ઘેરાયું છે આકાશ ઘટાટોપ વાદળોથી, ઢંકાઇ ગયો
છે સૂર્ય પણ, તેજ પોતાનું સર્વે સમેટી.

ગૂંજી રહ્યું છે કર્ણપ્રિય સંગીત, ધરણી ઝંખે છે વર્ષાને,
હૈયું ભીંજાઇ રહ્યું છે ઝરમર છાંટણાંથી.

કેવું ખિલખિલાટ હસે પેલી નાનકડી ઢીંગલી,
ખીલી રહ્યું છે નિર્દોષ ગુલાબ મહેંકતું ઉપવન.

બેહ્કી રહ્યું છે મન મર્કટ, ઊઠી રહ્યો છે એક
આર્તનાદ, ઊછળી રહ્યું છે હૈયું એક ઝંખનાથી.

હવે તો બસ આવ જ પ્રિયા, તરસ્યાં હૈયાંની પ્યાસ
છીપાવ, અધૂરાં હ્રદિયાંને ભરી પ્રેમથી તરબોળ.

કુદરત પણ ગોઠવી રહી છે સર્વે સંજોગો, એક
ટહુકો તો કર, થશે જ અવર્ણનીય મિલન જલ્દી.