Friday, July 14, 2006

મારો પ્રથમ ગુજરાતી બ્લોગ - ચિરાગ પટેલ

જ્યારે જ્યારે હું કોઇ ગુજરાતી વેબ-સાઇટ વિશે વાંચુ છુ ત્યારે ત્યારે મને પણ જાણે મારી પોતાની એક ગુજરાતી સાઇટ તૈયાર કરવાની ઇછ્છા થઇ આવી છે. મારો સહુથી મોટો અંતરાય ગુજરાતી ટાઇપીંગ હતું. પણ જ્યારે મને માઇક્રોસોફ્ટ્ની www.bhashaindia.com વેબ્સાઇટની જાણકારી મળી ત્યારે થોડો હાશકારો થયો. ત્યાર બાદ ઘણા દિવસો એમને એમ વીતી ગયા. (અલબત્ત, મારી રોજીંદી જીવંચર્યાઓ તો બંધ થવાનો સવાળ નથીJ). આ પ્રોજેક્ટ પર અમલ કરવાની પ્રેરણા મળી www.readgujarati.com પર મારા જેવા ઘણા ગુજરાતી આશિકોની વેબ્સાઇટો જોઇને. તો હવે હાજર છે મારો પોતાનો ગુજરાતી બ્લોગ! હું નિયમિતતાથી આના પર અવનવી રચનાઓ અને સમાચાર મુકવાની ઇછ્છા ધરાવુ છુ. આપ સર્વેનો સહકાર જરુરી છે, આ ચળવળને જીવંત બનાવવા માટે. શબ્દોની અંજલિ ગુજરાતીને સ્વરાંજલિ રુપે. અસ્તુ!

1 comment:

Suresh said...

ભાઇ ચિરાગ ,
'ગુજરાતી સર્જક પરિચય' માં તારી કોમેંટ વાંચીને તારી સાઇટ ઉપર ઉપરથી જ વિઝીટ કરી. ગુજરાતી માટેની તારા જેવા યુવાનોની પ્રીત જોઇને આંખમાં હર્ષાશ્રુ આવી ગયા.
જે કહેતા હોય કે ગુજરાતી મરવાની ઘડી પર છે, તેમને આ વેબ સાઇટો બતાવવી જોઇએ, કે જુઓ સાહસથી ભરપૂર, દુનિયા ખેડતા, વિજ્ઞાની અને તરવરીયા યુવાનો મા-ગુર્જરીનું કેટલું સન્માન કરે છે. તમારા જમાના જુના કોચલાઓમાંથી બહાર આવો અને આ યુવાનોનું અભિવાદન કરો.
હું 63 વર્ષનો યુવાન નહીં પણ બાળક છું !! મારા વિચારો વધારે જાણવા હોય તો મારો બીજો બ્લોગ - 'કાવ્ય સૂર' વાંચજે. અને તેમાં મારી 'ચાર વર્ષના ડોસાજી' કવિતા અને 'આનંદમયી' લેખ શ્રેણી વાંચજે.
તારી 1996 માં લખાયેલી કવિતા વાંચી લાગ્યું કે તું ભારતની બહાર છે.તું બહુ જ સરસ અને ભાવ વાહી લખે છે. બીજી રચનાઓ શાંતિથી વાંચીશ.
મારો ઇમૈલથી સંપર્ક કરીશ તો આનંદ થશે.
sbjani2004@yahoo.com